https://alvinatfront.wordpress.com/2014/02/03/ano-ba-talaga-ang-networking/

Ang Multilevel Networking ay mistulang talamak sa masa ng Flipino at madami ang tumatangkilik dito. Sa paglipas ng panahon ay unti-unting lumalakas ang impluwensya nito sa mga Filipino at kinalaunan ay nagkakainterest narin ang mga tao sa networking. Kapag ang isang bagay ay pinagkakainteresan o tinatangkilik mo, ito ay maari mong tanggapin at palaguin bilang sarili mo na ring kultura. Maraming kultura at ugali ng pinoy ang makikita mo sa multilevel networking, isa na diyan ang pagiging masipag at matiyaga ng mga pinoy sa paghikayat na bilhin ang kanilang produkto. Makikita din nating katangian sa mga pinoy ang pagiging malumanay at pagiging mapagtanggap. Nais ng mga pinoy na magbigay ng kalidad na serbisyo sa pamamagitan ng produkto na kanilang hinahain. Ilan sa mga katangian ng multi-level networking ay ang pagiging sistematiko o pagkakaroon ng sistema, ito ay dumadaan sa proseso at dapat mutual ang desisyon na hindi lamang dumadaan sa isang tao. Dapat ang desisyon ng isang grupo ay walang pinapaburan na panig upang mahigit na maipamalas ang kapantayan sa gawain.

http://hoshilandia.com/2017/10/ano-ang-dapat-mong-malaman-sa-networking-business-multilevel-marketing/

Bagama’t ito ay may kapangyarihan na makapagenganyo ng mga potensyal na indibidwal sa iba’t ibang aspeto ng negosyo. Isang kaugnayan na nagtatalakay sa larangan ng networking ay ang karaniwang impresyon sa kanilang mga isip na kapag narinig ang katagang “Networking” ay ang mga katagang “Open-Minded ka ba sa business?”, “Gusto mo bang kumita kahit nasa bahay ka lang?” , “5000 mo gawin nating 30000 sa loob ng dalawang linggo” at iba pa. Marahil ay may naging masama na itong implikasyon sa ating pag-iisip patungkol sa networking ngunit hindi natin ito basta basta mababago dahil ito ay parte ng ating kultura.

https://alvinatfront.wordpress.com/2014/02/03/ano-ba-talaga-ang-networking/

Ang Multilevel Networking din ay may iba’t ibang uri sa paanunsiyo o panghihikayat, nagsisimula ang bentahan ng produkto sa pamamagitan ng paghikayat ng networker na tangkilikin ang kanilang produkto. Ang Multilevel Networking narin ngayon ay nakakapangenganyo sa paggamit ng teknolohiya upang mapadali ang pag papakikilala sa kanilang produkto at ang trabaho ng mga networkers.

Ang artikulong “Ang Kahulugan ng Networking” ay sumasaklaw sa mga termino na kaugnay sa multilevel networking na maiiugnay sa kulturang Filipino. Nakasaad din sa artikulo ang konkretong kahulugan ng networking na ikinonekta sa mistulang kompyuter na may network din na kung saan hindi gagana ang programa na nagiisa lamang, maiuugnay ito sa tao na kung saan kinakailangan may ugnayan ang bawat isa upang matamo ang gusto nilang maabot sa pamamagitan ng multilevel networking.

http://hoshilandia.com/2017/10/ano-ang-dapat-mong-malaman-sa-networking-business-multilevel-marketing/

Hindi linggid sa ating kaalaman na marami sating mga Filipino ang tumatangkilik sa networking at lubos na nagkakainteres tayo dito, ngunit sa interes na iyon ay kinakailangan nating tignan ang nararapat na hangarin upang magamit natin ng mas epektibo ang stratehiya natin sa networking, lubos na importante din ang pakikipagugnayan sa kliyente mo at sa mga napapalooban mo upang mas maganda ang mga resulta at mas mainam ang ugnayan at produkto. 

Networking at Pyramiding: Ano ang pinagkaiba? “Open minded ka ba?” “Gusto mo ba kumita ng P5000 sa loob ng isang linggo?” “Magbigay ka lang ng kahit magkano at kami na ang bahala at pararamihin namin yan” Kung ikaw ay talagang nangangailangan o malaki ang pangangailangan, mahihikayat ka talaga na subukan kung ano man ang kanilang inaalok. Lalo na sa panahon ngayon na nagtataasan ang mga bilihin, talaga nga namang nakaeenganyo salihan ang kanilang grupo, sino nga ba naman na ayaw dumami ang kanyang pera lalo na sa loob lang ng isang linggo. Sa mga ganitong pagkakataon dumadami ang mga nanamantala mayroon din naman na lehitimo na gustong tumulong ngunit dahil sa limitado na kaalaman ng mga mamamayan, hindi natin sila masisisi kung minsan man sila ay naloloko o napagsasamantalahan. Kaya naman mas mainam kung matutukoy natin ang pagkakaiba ng networking sa pyramiding.

http://www.marino.com.ph/topics/creative-business/network-marketing/?fbclid=IwAR1EELFBth4rsikMP85TqyPKQlGUDAWrI4PaB3Cc3tLuT33RYmNyiKZFVFI

Ang Multi-Level Networking ay may katangian na sistematiko, ito ay may sinusunod na proseso, hindi ito nadadaan sa kagustuhan ng isang indibidwal, ito ay dapat na pinag-uusapan, at kung ito ba ay may malaking usapin, ito ay dapat na dumaan muna sa board ng mga direktor ng kompanya. Walang kinikilingan, ang lahat ng desisyon ng isang multilevel network ay patas sa lahat ng pagkakataon, dapat ito ay walang pinapaburang grupo o indibidwal patungkol sa isang usapin. Mas makatutulong sa isang negosyo sa usaping multilevel networking kung ang kompanyang ito ay matagal na sa industriya, sa paraang ito ay kilala na sila ng nakararami upang mas madali ang panghihikayat na sumali. Maganda ang reputasyon ng negosyo, ito ay binubuo mula sa pagkakatayo pa lamang ng negosyo, kung hindi maganda ang reputasyon ng isang negosyong nanghihikayat ng iba, ay hindi ito tatangkilikin ng masa at maaari pang kutyain lamang nila ito, dapat ito ay malinis ang reputasyon upang mas makapanghikayat pa ng iba. Totoo sa tao, lahat dapat nang nilalaman ng isang produkto ay inilalathala sa mga bumibili nito. Hindi dapat na mapaglihim ang impormasyon na maaaring makasakit ng iba, dapat lahat ng impormasyon ay totoo, at hindi dapat nangloloko ng tao at dapat may kalidad ang produkto o serbisyong ibinebenta, hindi pwedeng ibenta ang mga produktong masisira lamang agad sa presyong hindi makatarungan, pati narin sa serbisyo, dapat ay pinag-aaralang mabuti ang bawat produkto bago ilabas sa masa sapagkat kung kulang ito sa kalidad ay maaaring masira ang reputasyon at pangalan ng negosyo at kung ito ay mangyayari ay labis na makakaapekto sa buong negosyo.

http://willieveridianojr.weebly.com/what-is-multi-level-marketing.html?fbclid=IwAR2SNEeSI-EILnkTlxoHdrOhqer4yLc2T7EP6hq_Z_W2xd2QWifcYaxvgjI

Iba’t ibang suliranin ang maaaring makahadlang sa pagaatupad ng negosyong pinaglilingkuran. Subalit, marami ring mga paraan upang makaiwas sa problemang maaring maihaharap sa mga di-inaasahang araw. Isa na rito ang konseptong “Think Before You Click.” Ito ay isang pananaw o lohikal na kahulugan na dapat iangkop ng isang mamamayan na kung saan ay nailalapat muna ang pangkaisipang intelektwal bago gawin ang bagay na kaniyang angkop na ipinaplano. Manatilhing bigyan ng mahabang panahon ang sarili upang makapag isip-isip bago gumawa ng aksyong kaniyang gaganapin.

Hindi maiiwasan sa kulturang Filipino ang pagmamagaling at pagmamataas ng mga Pilipino, kung kaya’t dapat maiwasan ang ugaling ito upang mapaunalad ang sariling kaisipan at makatulong sa kapwa’t tao. Bagama’t bago ito’y simulan, nararapat na magtanong muna sa ibang nakakaalam sa larangan ng Networking upang mapukaw sa katotohanan at makaiwas sa mga suliraning hindi inaasahan. Ang paghahanap ng guro o mentor ng isang negosyante sa pagpasok sa mundong networking ay higit na makatutulong na kung saan siya ang gagabay sa proseso ng mga transaksyong hindi pa nararanasan ng negosyante. Mas mapapadali din kung may mapagkukuhanan ito ng payo mula sa isang tao na alam na ang dapat gawin at may alam sa landas na iyong tinatatahak

Ang mga mananaliksik ay nagkaroon ng oportunidad upang kausapin at tanungin ang iilang tanong sa eksperto ukol sa paksang kanilang pinagaaralan:

Ang kulturang Pilipino ay malaking tulong ba sa pagpapatupad ng maayos na pakikiugnay sa larangan ng networking? Sa papaanong paraan?

Bilang mamamayang Pilipino, pinakamahalagang bagay ang komunikasyon. At dahil numero unong lenggwahe ng bansa natin ay ang Filipino, malaking bagay ito para mas madaling maunawaan ng bawat myembro at hindi myembro ang bawat isa. Mas madaling humikayat ng kapwa Pilipino kung iisa lang sila ng lenggwahe at mas magiging komportable ang takbo ng usapan.

Sa paanong paraan nakakalimbag sa kulturang Filipino ang multilevel networking?

Sa panahon ng mga mananakop, kinailangan ng mga sinaunang Pilipino na manghikayat na magkaron ng grupo lalo na sa mga kalalakihan na maging sundalo para labanan ang mananakop. Katulad na katulad ito ng sistema ng networking kung saan nanghihikayat ang mga negosyante ng mga tao para magparami rin ng negosyante.

Ano ang katumbas ng paghihirap ng mga negosyanteng sangkot sa larangan ng Multi-level Networking?

Ang katumbas ng paghihirap ng mga negosyanteng nasa Networking ay sarap ng buhay. Sa ingles tinatawag nila itong “Time and Financial Freedom” kung saan darating ang panahon na kahit anong gusto mong bilhin sa kahit na anong oras, posible pag nasa Networking.

Paano naging makabuluhan ang wikang Pilipino sa loob ng mga transaksyon na nais maikamit sa mga negosyante?

Kung nasaang bansa ka man, pinakamainam na gamitin ay ang sariling lenggwahe nila. At sa pakikipagtransaksyon ng negosyante sa kapwa negosyante, mas magkakaunawaan sila at mas magiging magaan ang loob nila na magkaron ng sosyohan.

Gaano katibay ang paggamit ng wikang Pilipino sa paghihikayat ng mga mamamayang Pilipino sa industriya?

Bilang Pilipino, malaking porsyento ng mga nakikinig at nanonood ang mas makakaintindi ng panghihikayat kung Filipino rin ang lenggwahe na naririnig nila.

Kung susumahin ang pagkakahalintulad ng Multi-level Networking sa kulturang Filipino ay labis na maraming pagkakaparehas. Himayin natin sa dalawang konsepto, ang Multi-level Networking at Kulturang Filipino, ang Multi-level networking ay maiu-ugnay sa kompyuter na may network din na kung saan hindi gagana ang programa na nagiisa lamang, maiuugnay ito sa tao na kung saan kinakailangan may ugnayan ang bawat isa upang matamo ang gusto nilang maabot sa pamamagitan ng multilevel networking.Marami rin ang nasuko agad sa networking dahil na
rin sa maling pagkakaintindi ng mga Pilipino. Tumitigil sila dahil hindi nila nakikita agad ang resulta na hinahanap nila sa pagsali sa networking, dahil ang inaasahan nila ay ang malakihang kita na kahit kasisimula lamang nila. Makikita rin dito ang pagkahilig ng mga Filipino sa “easy money” na bahagi na rin ng ating kultura. Siyempre, nandito na rin ang katamaran na, hindi natin maitatanggi ang bahagi na nasa sistema ng iilang Filipino.

Isinulat nina: Celso Atuan II, Jasmin Noreen Leonido, Mariah Lyra Magsisi, Marquielle Angeli Mendoza, Charlene Diane Reyes

Seksyon: 1A12 – Unang pangkat

“Kinakatawan ng salitang ukay-ukay ang kultura at lipunang Filipino sa kontemporanyong panahon.” –Delfin Tolentino, Jr.

Kuha ni Jasmin Noreen Leonido, 1A12, 10/23/18

Ang ukay-ukay ay isang pamilihan kung saan binebenta ang mga damit na galing sa ibang bansa sa mas mababang presyo. Maaaring bago o nagamit na dati (second-hand) ang mga produktong makikita sa loob ng ukay-ukay.

Kuha ni Mariah Lyra Magsisi, 1A12, 10/23/18

Iba’t ibang uri ng mga lumang damit at mga kagamitan ang maaaring makita sa isang ukay-ukay at karaniwan, ang mga ito ay mula sa ibang bansa. Ayon kay de Castro (2001), ang mga ito ay kadalasang nanggagaling sa Hong Kong-based Salvation Army’s rummage sale sites at sa United States na kadalasang galing sa mga garage sale at ipinapadala sa Pilipinas sa pamamagitan ng mga balikbayan boxes.

Kuha ni Mariah Lyra Magsisi, 1A12, 10/23/18

Sa pagdating ng mga kagamitan sa bansang Pilipinas, ibinebenta na ito sa mas murang halaga, kadalasan, naibebenta ito sa kalahati ng orihinal na presyo nito. Isa sa mga pangunahing dahilan kung bakit ibinebenta ang mga kagamitan sa mas mababang presyo ay sa kadahilanang hindi na ito bago at dahil dito, nababawasan ang kalidad nito ng kaunting porsyento (Cabreza 2001).

Kuha ni Jasmin Noreen Leonido, 1A12, 10/23/18

Ang salitang ukay-ukay ay nagmula sa salitang Tagalog na “hukay” o “halukay.” Ayon sa FFE Life and Lifestyle Staff (2014), ang mga salitang nabanggit ay nagpapahiwatig ng proseso ng pagbili kung saan naghuhukay and mga mamimili upang pumili ng nais nilang produkto.

Kuha ni Jasmin Noreen Leonido, 1A12, 10/23/18

Ayon naman kay Dexter See (2013), ang ukay-ukay ay tinatawag din sa pangalang “wagwagan” kung saan kailangan munang pagpagin upang matanggal ang mga alikabok at makita ng tuluyan ang isang produkto.

Kuha ni Jasmin Noreen Leonido, 1A12, 10/23/18

Maraming ibinebenta sa ukay-ukay, kung tutuusin ay mas marami pa silang binebenta kumpara sa mga botika sa malalaking pamilihan (Rappler, 2016)

Kuha ni Mariah Lyra Magsisi, 1A12, 10/23/18

Maaaring makabili sa ukay-ukay simula sa pang araw-araw na damit, gown, mga kasuotan ng bata, bistida, sports attire, bags, sapatos, at iba pa sa mababang presyo kumpara sa mga branded na damit. (Valdez, et al., 2014)

Kuha ni Jasmin Noreen Leonido, 1A12, 10/23/18

Dahil sa pag-unlad ng mga pamilihang ukay-ukay, makikita na rin ang mga kurtina, kumot, comforter, mga kagamitang pang opisina, laruan, at iba pa sa kanilang mga ibinebenta.

Kuha ni Mariah Lyra Magsisi, 1A12, 10/23/18

Hindi lamang mga simpleng damit ang ibinebenta dito dahil kahit mga bag, sapatos, at mga pormal na kasuotan ay makikita rin dito. Liban pa sa mga second-hand o lumang kagamitan, mayroon ding mga hindi pa nagagamit na ibinebenta at tinatawag itong brand-new (Rappler, 2016).

Kuha ni Jasmin Noreen Leonido, 1A12, 10/23/18

Batay sa pag-aaral ni Luisito Abueg (2005) na The Economics of Secondhand Retail Trade: An Analysis of the Market for Ukay-ukay, naging isang magandang alternatibo ang ukay-ukay upang makamura ang mga mamimili kaysa pag bumili sila sa mga botika o sa mga malalaking pamilihan tulad ng SM, Robinsons, at iba pa.

Kuha ni Jasmin Noreen Leonido, 1A12, 10/23/18

Ang kalakasan ng ukay-ukay ay ang halos bagsak presyo na halaga ng mga produkto kung ikukumpara sa mga malalaking pamilihan. Kung sa mga mall ay nagtataasan ang mga presyo, sa ukay-ukay, kahit hindi panahon ng sale ay sobrang baba ng mga presyo ng mga damit. Nang dahil sa bagsak presyong mga produkto, mas tinatangkilik ng masa ang mga ibinebenta dito. 

Kuha ni Mariah Lyra Magsisi, 1A12, 10/23/18

Karamihan sa mga Pilipinong mamimili ay nahihilig sa pagbili ng mga mura pero dekalidad na produkto. “Mayroong mga branded na mga kagamitan na ibinebenta sa mga ukay-ukay” (FFE Life and Lifestyle Staff, 2014). Halimbawa nito ay ang pagbili ng mga second-hand o mga pinaglumaang mga gamit mula sa ibang bansa.

Kuha ni Mariah Lyra Magsisi, 1A12, 10/23/18

Ang ukay-ukay ay itinuturing din na “magandang alternatibo para sa mga mas mahal na bilihin” (Abueg, 2005). Dahilan upang mas tangkilikin ito kaysa sa mga bago ngunit mas mahal na produkto.

Kuha ni Jasmin Noreen Leonido, 1A12, 10/23/18

Maraming tao ang tumatangkilik dito bukod sa mura ang presyo nito, ito rin ay halos pareho lang ng katangian sa mga bago o branded na kagamitan na mabibili sa mga high-class na pamilihan o sa mga shopping mall (Abueg, 2005).

Kuha ni Mariah Lyra Magsisi, 1A12, 10/23/18

Kung titignan sa pananaw ng isang negosyante, ang ukay-ukay ay mayroong mabilis na pagbalik ng kita (FFE Life and Lifestyle Staff, 2014). Hindi gaanong malaki ang kanilang pondo sapagkat ayon kay Delfin Tolentino (2004), ang mga produktong kanilang binebenta sa ukay-ukay ay galing sa mga bodega ng mga Intsik sa Hong Kong, mga produktong hindi tinanggap ng mga pabrika, at mga lumang paninda sa mga department store.

Kuha ni Jasmin Noreen Leonido, 1A12, 10/23/18

Mayroon pang mga kuwento kung saan sinasabing ang mga ibinebentang damit ay galing sa mga patay o maysakit. Isa pang maaaring pinanggalingan ng mga produktong ito ay mula sa mga donasyon mula sa ibang bansa para sa mga nabiktima ng mga sakuna. Ngunit ayon kay Luisito Abueg (2005), hindi raw totoo na mga donasyon para sa mga nabiktima ng mga sakuna ang ibinebenta sa ukay-ukay.

Kuha ni Mariah Lyra Magsisi, 1A12, 10/23/18

Base naman sa pananaliksik ni Luisito Abueg, ang ukay ukay ay nagmula sa Lungsod ng Baguio, Probinsya ng Benguet at ito ay umusbong pa rin  sa lungsod kahit na may batas (R.A. 4653) na nagbabawal sa pagtitinda ng mga segunda mano. Ayon sa kanya, ang mga produktong ibinebenta sa ukay ukay ay mula pa sa ibang bansa na iniimport sa atin bilang donasyon o pasalubong at ibinebenta ito sa murang halaga. Bagama’t may panukalang nagbabawal sa pagbebenta nito, ang mga tao ay patuloy pa rin sa pagbili sa mga ukay ukay dahil ito ay abot kaya ng masang Pilipino at ito ay magandang alternatibo sa mga mamahaling produkto. (Abueg, 2005)

Kuha ni Mariah Lyra Magsisi, 1A12, 10/23/18

Ito ay may posibilidad din na makasira sa kalagayan ng isang tao o maaaring magdulot ng sakit sapagkat ayon kay Dr. Dana Ruiz, na isang dermatologist, ang mga kagamitan galing sa isang ukay-ukay ay puwedeng magdulot ng skin disease,  allergy, at Atopic Dermatitis lalo na kung ang immune system ng isang tao ay mahina dahil wala naming kasiguraduhan na lahat ng binibili sa ukay-ukay ay tiyak na malinis.

Kuha ni Mariah Lyra Magsisi, 1A12, 10/23/18

Ipinapaalala ng Department of Health na dapat maging maingat ang mga tao sa pagbili ng ganitong mga kagamitan sapagkat maari itong magdulot ng sakit dahil wala naming kasiguraduhan na lahat ito ay malinis at kapag napasukan na ang isang tao ng bacteria, mas magiging lapitin ang isang tao sa iba’t ibang mga sakit (Chan, 2012).

Kuha ni Jasmin Noreen Leonido, 1A12, 10/23/18

Mayroong kaugnayan ang ukay-ukay sa kulturang Pilipino dahil nasasalamin ang pagiging matipid ng mga Pilipino sa konsepto ng pagtawad sa mga bilihin at pagtangkilik sa mga gamit na mababa ang presyo. Nasasalamin din ang pagiging mapamaraan ng mga Pilipino dahil nakakahanap sila ng mas mura at alternatibong paraan upang magkaroon ng mga damit na sikat ang disenyo. Sa pagtangkilik ng mga damit mula sa ukay-ukay, makikita rin ang hilig nating mga Pilipino sa patangkilik sa mga produkto na hindi naman sariling atin.

Marami sa mga Filipino ang may malaking kakulangan sa kaalamang pampinansya. Maraming Filipino ang illiterate pag dating sa ganitong usapin. Sa katunayan, humigi’t kumulang 52.8 milyong Filipino ang walang sarili o personal na bank account. Kumpara sa ibang bansa sa Asya, hamak na mababa rin ang ating penetration level padating sa pag-invest sa mga insurance at life plan. Isa sa mga dahilan kung bakit hanggang ganito na lamang ang hangganan ng mga Filipino sa larangan ng pinans at pananalapi ay ang labis ka kakulangan sa literasing pampinansya o financial literacy.

Ang literasing pampinansya ay isang kaisipan o kasanayan kung saan labis na naiintindihan at nauunawaan ng isang tao ang mga paksa at konsepto na may kinalaman sa pananalapi at pinansya. Ang ilan sa mga konseptong ito ay ang pamamahala sa sariling salapi, pag-iimpok, pera, at paglagak o pag invest sa mga stocks, bonds at kumpanya. Ang sapat o higit na kaalaman sa larangang ito ay higit na makakatulong sa mga desisyong may kinalaman sa kanilang pera o pananalapi. Samantalang ang kakulangan naman sa kaalaman dito ay maaaring magresulta sa mga masama o di kanains nais na desisyon na maaaring mauwi sa pagkasayang o pagkawala ng salapi.

Ang isa sa mga kapansin-pansing gawi ng mga Filipino sa pera ay ang hindi pag-paplano o pagbabadyet ng kanilang pera o gastusin. Di hamak na bibihira rin sa mga Filipino ang pagpaplano para sa kanilang sariling reteirement. Ang dahilan nito ang matagal nang problema ng mga Filipino pagdating sa pagkita ng pera.

Isa pa sa mga kultura o kaisipang Filipino ay ang labis na paggastos tuwing may okasyon o kaya ay pista sa baryo. Sumasalamin rin ito sa pagiisip nga mga Filipino mentalidad na konsumerismo at kolonyal mentality. Kung tutuusin sa panahon ngayon malaki na ang gastos nga mga Filipino lalo nasa mga luho gaya ng cellphone, damit na ma tatak, pagkain, at iba pang gastusin. Sa mga okasyon na nasabi, ang nasa isip ng ibang Filipino ay mas pipiliin nilang umutang o gumastos

https://sharinginthenet.wordpress.com/type/aside/page/3/

ng higit sa kakayahan kaysa ang mapahiya sa mga bisita nila. Kung iisipin di naman masama ang intensyon nating mga Filipino, pero isang malaking kamalian ang ganitong mga desisyon. Dati nagkakataon na nagkakabaon-baon na sa utang ang isang pamilya dahil may handaan, o kaya ay pista. Dapat ay nagtatabi ang mga Filipino para sa mas mahahalagang bagay o kaya ay sitwasyon maaaring mangailanagn ng malaking halaga ng pera.

http://www.gmanetwork.com/news/money/companies/606126/dominguez-was-not-involved-in-dilg-supply-contract-dof/story/?fbclid=IwAR3Ph2LlnzOJGnEYhgaSgkzqxuvdXj78yKoRWkqdzCNyIUFpMKoEQlWpWdQ

Sa tradisyong ito, marami ang naglalabas ng malaking halaga ng pera. Hindi nila iniisip ang maaring maging epekto nito sa kinalaunan o sa hinaharap.

http://www.philippineasiannewstoday.com/frontpageslider/dti-5-6-lenders-told-to-register/?fbclid=IwAR1xyZFWzPb6Qmcn-ZB1uycz-jmQdTxeysRCJxbOAC_QG8Tl1Mp9M8vnCYo

https://www.bworldonline.com/peso-weakens-ahead-sona-fed-policy-meet/?fbclid=IwAR0yIYm04EY0KPhdr4SIMhoLkDJHFXIUCoensyyxt22F_bb0skdopWkiQrg

Sanayin natin ang ating mga sarili na maging kritikal sa ating mga pinagkakagastusan. Marapat lamang na magtanong ng “Kailangan ko ba ito?” at “Masusulit ko ba ang paggamit nito?” kapag nais nating gumastos, o hindi kaya’y ang maulit na pagbalik upang mapatunayan na kaiga-igaya bilhin ang isang produkto. Ito ay ilan lamang sa mga paraan upang maiwasan at malimitahan ang tahasan o kara-karakang pagkonsumo ng isang bagay.

Pinapayo rin ng mga eksperto sa pinans ang pag-iimpok ng pera at pag-iinvest. Daan ang mga ito upang magkaroon ng pagkakataon ang kinitang pera na lumago. Bukod dito, disiplinahin ang sarili na huwag gumastos nang gumastos lalo na kung hindi naman kinakailangan. Walang masama sa paggastos ng pinaghirapang pera, ngunit alalahanin na anomang labis ay nakakasama.

https://todayscarolinian.net/usc-participates-in-philippine-financial-summit/?fbclid=IwAR0ZezWIRjOKo_52S5IK6mY5Wxz3sGrK-aItnPkHOW8ads3yRAUGC0yy738

.